WhatsApp新功能–鎖定聯絡人 對話更方便

「WhatsApp聯絡人咁多,有時要搵朋友傾計真喺碌極都碌唔到。」
「聯絡人啲名咁似,一唔小心就send錯咗個Message!」

作為Whatsapp嘅頻密用家,相信上面嘅事情都一定有發生過喺你身上。而家Whatsapp擬推出新功能:喺WhatsApp最新嘅Android測試版本入面新增咗「Pin Chats」(聊天置頂)功能,用家可以鎖定聯絡人或者群組,令對話方塊置頂,咁就可以避免因為有大量新message而洗走咗常用聯絡人啦!

WhatsApp-pinning-1592x796
喺新功能入面只要你選定聯絡人後,再按右上方圖釘按鈕,就可以將所選聯絡人鎖定喺對話欄嘅頂部,而該聯絡人對話方塊嘅右方亦會出現圖釘嘅圖案。置頂嘅聯絡人唔會因為新信息比移到底部。

新功能有個小限制:每個人只可以釘選最多3個聯絡人或者群組,如果你想更改被釘選嘅聯絡人,就要先解除原本置頂嘅聯絡人,再作更改。但如果你太多密友唔知鎖定邊個好就可能要等WhatsApp再更新啦!

發表迴響