設計圖表(一): 如何將數據整合? – 教你何時使用堆疊圖及直條圖

堆疊圖同直條圖係兩種最常用嘅圖表類型,用佢地整合數據簡單易明,而當我地要整合多於一組同比較複雜嘅數據時,就更加可以顯示到堆疊圖同直條圖嘅好用之處啦!雖然呢兩種圖表都可以用黎顯示唔同數據嘅關聯,但係功能同圖表表達上,兩者都係唔同咖。

Stacked.png

標準直條圖可以突顯分組元素嘅數據比較,但不足之處係,直條圖難就分組總數作比較。而呢個正係堆疊圖嘅好處,堆疊圖方便整體比較各個種類,再比較每個種類包含嘅元素比例,反之而言,佢嘅不足就係好難去比較分組元素嘅數據,因為堆疊圖只能顯示部分整體關係。

Grouped.png

堆疊圖仲可以細分為一般堆疊圖同100%堆疊圖,100%堆疊圖嘅縱軸係由百分比取代實際數量,雖然無法比較每個元素,但優點係可以方便分析各元素係每個種類所佔嘅比例。

每種圖表都有自己嘅特色,但如果有太多分組元素的話就會令圖表變得好混亂,弄巧反拙,最好嘅元素限制係2-3個。

TooMany.png

咁到底我地應該點樣選擇用邊種圖表呢?最好嘅方法就係先認清我地收集數據嘅種類。如果數據唔包含部分整體關係,咁就可以毫無疑問地選用標準直條圖啦!如果數據包含部分整體關係,就要知道不同元素嘅比例對你分析結果重唔重要。如果只係想分析每個元素嘅就可以選用直條圖,如果係要就分組作比較,就可以用標準堆疊圖;而如果只係想知道每個組別嘅元素比例,就可以用100%堆疊圖。

分析數據唔係件容易嘅事,但學識用唔同嘅圖表做助手就可以減輕工序啦!

Picture Source: http://www.scribblelive.com/blog/2012/08/27/how-groups-stack-up-when-to-use-grouped-vs-stacked-column-charts/

發表迴響